Айқас бола ма? Қазақстандық боксшы Тайсонды қарсылас көреді
Иван Дычко соңғы рет шаршы алаңға былтыр қыркүйекте шығып, кезекті жеңісін тіркеген болатын.
Суперауыр салмақта жұдырықтасатын қазақстандық боксшы Иван Дычко (15-1, 14 КО) әлем чемпионы Тайсон Фьюримен жекпе-жек өткізгісі келетінін мәлімдеді.
Дычко таңдаған қарсылас — Фьюри
Боксшы қысқа сұхбат барысында кіммен жекпе-жек өткізгісі келетінін жасырмай айтты.
"Мен Тайсон Фьюримен жұдырықтасқым келеді. Ол қазір қайта оралып жатыр. Өте қызық, ерекше адам. Бірінші ойыма келгені — сол", — деді Дычко.
Айта кетейік, Иван Дычко бұған дейін Тайсон Фьюримен спарринг өткізген.
Естеріңізде болса, қазақстандық боксшы соңғы кездесуін 2025 жылдың 13 қыркүйегінде АҚШ-тың Лас-Вегас қаласында өткізді.
Бұл жекпе-жекте ол америкалық Джермейн Франклиннен (24-2, 15 КО) төрешілердің бірауыздан шешімімен жеңіліп, кәсіби мансабындағы алғашқы жеңілісін тіркеді.
Иван Дычко кәсіби мансабында:
- 15 жекпе-жек өткізді.
- 14 қарсыласын нокаутпен жеңді.