Еркебұлан Тоқтар жеңілмеген Марсельге есе жіберді
Қазақстандық файтер Еркебұлан Тоқтар Еревандағы Hype FC 28 турнирінде өнер көрсетті.
Тосын нәтиже
Бұл кеште Еркебұлан Тоқтар қырғызстандық Марсель Нұрланбек уулуына қарсы шықты. Жеңіл салмақтағы кездесу ММА қолғаптарымен бокс ережесі бойынша ұйымдастырылды.
Тартысты айқастың қорытындысында төрешілер жеңісті бірауыздан қырғызстандыққа берді. Осылайша Еркебұлан Тоқтар бұл жолы қарсыласына жол берді.
Тоқтардың ММА-дегі рекорды қандай?
Еркебұлан Тоқтардың аралас жекпе-жектегі кәсіби көрсеткіші қазір 11 жеңіс, 3 жеңіліс болып тұр. Ол соңғы рет ММА ережесі бойынша 2025 жылдың тамыз айында ирандық Фарзад Гадериді екінші раундта нокаутпен жеңген.
Ал Марсель Нұрланбек уулудың ММА-дегі статистикасы әсерлі көрінеді — 14 жеңіс, 0 жеңіліс. Қырғыз файтері соңғы жекпе-жегін 2024 жылдың тамызында өзбекстандық Фарход Эргишбаевты нокаутпен ұтқан.