Назым Қызайбай әлем кубогын жеңіспен бастады (ВИДЕО)
20.04.2026, 20:34
Назым Қызайбай World Boxing ұйымы ұйымдастырған әлем кубогының алғашқы кезеңінде келесі айналымға жолдама алды.
Instagram/@nazym_kyzaibay09
Алғашқы кездесудегі жеңіс
54 келіге дейінгі салмақ дәрежесінде сынға түскен қазақстандық былғары қолғап шебері 1/16 финалда түркиялық Айшен Ташқынмен қолғап түйістірді. Үш раундқа созылған кездесудің қорытындысында төрешілер жеңісті 4:1 есебімен Қызайбайға берді.
Осылайша қазақ қызы турнирдің келесі кезеңіне өтті.
Назым Қызайбайдың спорттағы жетістіктері
Назым Қызайбай – Қазақстан боксының ең жарқын өкілдерінің бірі. Ол:
- 2024 жылғы Олимпиада ойындарының қола жүлдегері
- Үш дүркін әлем чемпионы (2014, 2016, 2025 IBA)
- 2025 жылғы World Boxing әлем чемпионатының күміс жүлдегері
- 2021 жылғы Азия чемпионы
Бразилияның Фос-ду-Игуасу қаласындағы әлем кубогы 26 сәуірде мәресіне жетеді. Бұл додаға әлемнің 50 елінен 400-ден астам былғары қолғап шебері қатысып жатыр.
Arena Olimpbet-те спорттың ең жаңа және қызықты жаңалықтарын оқыңыз! Толығырақ мәліметтер, талдау және қажеттінің барлығы — сілтеме бойынша: arena.olimpbet
Реклама
Реклама