Макгрегор мансабын аяқтады ма? Дана Уайт жауап берді
Ирландиялық файтер шілде айында америкалық Макс Холлоуэйге қарсы жекпе-жекте жарақат алған еді.
UFC ұйымының бұрынғы чемпионы Конор Макгрегор жарақатына байланысты ұзақ уақыт октагонға шыға алмайды. UFC президенті Дана Уайт ирландиялық файтердің шамамен бір жыл спорттан тыс қалатынын айтты.
"Конор Макгрегор бір жылға қатардан шығады", — деді Уайт.
Макгрегордың ауыр жарақаты
Конор Макгрегор шілде айында Лас-Вегаста өткен UFC 329 турнирінде америкалық Макс Холлоуэйге қарсы жекпе-жекте жарақат алған еді.
Кездесудің алғашқы раундында ирландиялық файтер аяғынан зақым алып, айқасты жалғастыра алмады. Осыдан кейін төреші жекпе-жекті мерзімінен бұрын тоқтату туралы шешім қабылдады. Нәтижесінде Макс Холлоуэй техникалық нокаутпен жеңіске жетті.
Кейін анықталғандай, Макгрегордың тізесіндегі алдыңғы айқаспа байламы мен менискісі зақымданған. Мұндай жарақат спортшының ұзақ уақыт қалпына келуін талап етеді.
Макгрегор бес жылдан кейін октагонға оралған еді
38 жастағы Конор Макгрегор Холлоуэйге қарсы жекпе-жек арқылы октагонға бес жылдық үзілістен кейін қайта оралған болатын. Алайда көптен күткен comeback сәтсіз аяқталды.
Айта кетейік, Конор Макгрегор — UFC тарихындағы ең танымал файтерлердің бірі. Ол бұрын екі салмақта чемпион атанған.
Ирландиялық спортшының аралас жекпе-жектегі кәсіби рекорды — 22 жеңіс және 7 жеңіліс.