Никита Цзю Австралиядағы бокс кешінің басты жекпе-жегінде жеңіске жете алмады
Бродбич қаласында өткен кәсіпқой бокс кешінің басты жекпе-жегінде Никита Цзю мен Бен Махоуни жеңімпазды анықтай алмады.
Цзю мен Махоуни 12 раунд жұдырықтасты
Австралиялық боксшылар бірінші орта салмақта (69,9 келіге дейін) IBF тұжырымы бойынша міндетті үміткер мәртебесі үшін рингке шықты.
Кездесу толық 12 раундқа созылды. Жекпе-жек аяқталғаннан кейін төрешілер бір боксшыға басымдық бере алмай, тең нәтиже тіркеді. Осылайша Никита Цзю кәсіпқой мансабында алғаш рет рингтен жеңіссіз қайтты.
Жеңісті серия тоқтады
Махоунимен кездесуге дейін Цзю кәсіпқой бокста қатарынан 12 жекпе-жекте жеңіске жеткен еді. Оның 10 жеңісі мерзімінен бұрын тіркелген.
Никитаның бұған дейінгі жекпе-жегі 2026 жылдың мамыр айында Оскар Диасқа қарсы өткен. Сол кездесуде қарсыласы айқасты жалғастырудан бас тартқаннан кейін Цзю техникалық нокаутпен жеңіске жетті.
Енді Никита Цзюдың кәсіпқой бокстағы көрсеткіші — 12 жеңіс және 1 тең нәтиже. Оның еншісінде 10 нокаут бар.
Бен Махоуни де жеңіліссіз келе жатыр
Бен Махоуни де Цзюмен жекпе-жекке дейін жеңіліс көрмеген. 2026 жылдың сәуір айында Дэн Хиллды төрешілердің бірауыздан шығарған шешімімен жеңді.
Никита Цзюмен тең түскеннен кейін Махоунидың кәсіпқой бокстағы рекорды 17 жеңіс, 1 тең нәтиже болды. Оның тоғыз жеңісі нокаутпен аяқталған.
Австралиялық боксшы әзірге кәсіпқой рингте бірде-бір рет жеңілген жоқ.