«Мықтылар турнирінің» жеңімпаздары анықталды
Енді осы турнир қорытындысы бойынша Қазақстан құрамасының бапкерлік штабы Азия чемпионатына қатысатын құрама жасақтайды.
Қарағандыда әйелдер арасындағы бокстан «Мықтылар турнирі» мәресіне жетті. Турнирге Қазақстанның ең мықты спортшылары бақ сынады. Бұдан бөлек, қонақ ретінде бұл жарысқа ресейлік спортшылар да қатысты.
Оның қорытындысы бойынша Айгерім Сәттібаева (Жамбыл облысы), Алуа Балқыбекова (Алматы), Жазира Урақбаева (Алматы), Анель Сақыш (Алматы), Виктория Байдукова (Жамбыл облысы), Виктория Графеева (Алматы), Аида Әбікеева (Қарағанды облысы), Милана Сафронова (Қарағанды облысы), Ангелина Витова (Ресей), Елена Гапешова (Ресей), Гүлсая Ержан (Қызылорда облысы) және Ельдана Тәліпова (Алматы) алтын медаль иеленді.
Айта кетейік, Қарағандыдағы турниріне қатысушылар алғаш рет шлемсіз жұдырықтасқан болатын.