Эльмира Сыздықова Иван Ярыгин Кубогының чемпионы атанды
26.01.2025, 16:23
Отандасымыз Красноярск қаласында өтіп жатқан беделді турнирдің финалын айқын басымдықпен жеңді.
фото ашық дереккөздерден алынды
76 келіге дейін салмақ дәрежесінде белдескен Эльмира Сыздықова моңғолиялық қарсыласы Энх-Амарын Даваанасанды 8:1 есебімен жеңді. Қазақстандық балуан "туше" әдісін пайдаланып, яғни қарсыласының жауырынын жерге тигізді.
Осылайша Эльмира Ярыгин Кубогының үш дүркін чемпионы атанып отыр. Бұған дейін ол турнирде 2016 және 2022 жылдары топ жарған.