«Мен бұл дивизионға қажетпін». Жалғас Жұмағұлов UFC-ке оралуы мүмкін
Аралас жекпе-жек шебері мәлімдеме жасады.
Қазақстандық файтер Жалғас Жұмағұлов (17-9) UFC-ке қайта оралуы мүмкін екенін. Қазақстандық спортшы осыған қатысты әлеуметтік желіде жазба жариялады.
Жумагұлов UFC-дегі көрсеткіштердің біріне тоқталып, өзінің аса жеңіл салмақ дәрежесінде ең көп дәл соққы жасаған жауынгерлер тізімінде үшінші орында тұрғанын айтты. Бұл көрсеткіште одан жоғары тек америкалық Джошуа Ван мен бразилиялық Джон Линекер тұр.
«Мен бұл дивизионға бұрынғыдан да қатты қажетпін», — деп жазды Жалғас Жұмағұлов әлеуметтік желідегі парақшасында.
Еске салайық, Жалғас Жұмағұлов UFC-де 2020-2023 жылдар аралығында өнер көрсеткен болатын. Осы уақыт ішінде ол жеті жекпе-жек өткізіп, бір жеңіс пен алты жеңіліс тапты. Дегенмен, көптеген сарапшылар мен жанкүйерлердің пікірінше, кейбір жекпе-жектерде төрешілердің шешімдері әділетсіз болған.
Жұмағұловтың UFC-ке қайта оралуы туралы ресми ақпарат әзірге жоқ. Алайда, оның мұндай мәлімдемесі қазақстандық жанкүйерлердің үмітін оятып, үлкен қызығушылық тудырды.