Қазақстандық боксшы Зиданмен қолғап түйістірді
09.03.2025, 21:13
Қазақстандық жас боксшы Алдияр Баһадүр халықаралық "Адриатика маржаны" турнирінің финалдық айқасында өнер көрсетті.
BaigeNews.kz
Алдияр Баһадүр 54 келіге дейінгі салмақ дәрежесінде алтын жүлде үшін әзербайжандық Зидан Хюмбетовпен жекпе-жек өткізді. Тартысты айқас төрешілердің шешімі бойынша (1:4) жеңіс Хюмбетовке берілді. Осылайша ол жастар арасындағы әлем кубогының жеңімпазы атанды.
Алдияр Баһадүр жарысты күміс жүлдегер мәртебесінде аяқтады. Сонымен қатар бүгін Қазақстан құрамасының тағы бірнеше боксшысы финалдық кездесулерге шығады:
- Нығман Нығмет (57 кг)
- Жасұлан Бердалы (75 кг)
- Игорь Соловьев (75 кг)
- Санжар Сейтқамыт (92 кг)
- Бексұлтан Қайратұлы (92+ кг)