Назым Қызайбай тұрмысқа шығу туралы айтты
Қазақстандық боксшы, үш дүркін әлем чемпионы Назым Қызайбай өзінің жеке өміріне қатысты маңызды мәлімдеме жасады.
Спортшы тұрмысқа шығу туралы сұраққа әзілмен жауап берді. Бірақ бұл тақырыпқа қатысты өз ойын да білдірді.
"Қазір әлеуметтік желілерде" Олимпиададан кейін тұрмысқа шығамын“ деген тренд бар. Менің де көзқарасым шамамен сондай (күледі). Алда мені үлкен жоспарлар мен маңызды мақсаттар күтіп тұр. Бірақ менің ойымша, өз адамыңды жолықтырған кезде ешқандай жоспар маңызды болмайды. Қазір менің өмірімде жігіт жоқ. Сондықтан бұл туралы нақты ештеңе айта алмаймын. Уақыт көрсетер", – деді Қызайбай "Спорт Министрі" YouTube-арнасына берген сұхбатында.
Еске сала кетейік, Назым Қызайбай Сербияның Ниш қаласында өткен әйелдер арасындағы әлем чемпионатында жеңіске жетіп, Қазақстан боксы тарихында алғаш рет үш дүркін әлем чемпионы атанған спортшы болды.