Дана Уайттың жаңа лигасы: Елеусіновтің қанша табыс табатыны белгілі болды

Олимпиада чемпионы Данияр Елеусінов UFC басшысы Дана Уайт құрған жаңа бокс лигасындағы алғашқы жекпе-жегінде кемінде 10 миллион теңге табыс табады. Бұл туралы Tengri Sport хабарлады. 

Жаңа лигада боксшылар әр бес ай сайын жекпе-жек өткізіп, кез келген нәтиже үшін кепілдендірілген сыйақы алады. Ол қарсыластың деңгейіне қарай өсіп отырады.

Төлем жүйесі:

• 10 раундтық жекпе-жек (рейтингі жоқ қарсылас) – 20 мың доллар (10 млн теңге);
• Рейтингі 5-10 орын арасындағы қарсылас – 50 мың доллар;
• Рейтингі 3-4 орын арасындағы қарсылас – 125 мың доллар;
• "Компания" чемпионы атағы үшін жекпе-жек – 375 мың доллар;
• Титулды қорғау жекпе-жегі – 750 мың доллар.

Елеусіновтің жаңа лига туралы пікірі

Данияр Елеусинов – жаңа лигада өнер көрсететін алғашқы қазақстандық боксшы. Ол бұл келісімшарттың өзіне тиімді екенін атап өткен болатын.

"Маған бұл жобаның керемет идея екенін айтты. Толық мәлімет жекпе-жек жақындағанда белгілі болады. Бұл жай ғана бизнес-жоба емес, боксты қызықты ету үшін жасалып жатыр. Яғни, ең мықтылар бір-бірімен кездесетін алаң болады. Әркім әртүрлі ұйымдарда жұдырықтасып, жан-жаққа шашырамайды", – деді Елеусінов.

Олимпиада чемпионы, әлем чемпионы және кәсіби рекорд

Данияр Елеусинов – әзірге Қазақстанның соңғы Олимпиада чемпионы. Ол 2016 жылы Рио Олимпиадасында алтын медаль жеңіп алды.

Кәсіби бокстағы жетістіктері:

• 12 жекпе-жек – 12 жеңіс (6 нокаут);
• 2021 жылы IBO тұжырымы бойынша жартылай орта салмақта әлем чемпионы атанды;
• Мансабында үзіліс жасап, чемпиондық белбеуінен бас тартты.

Соңғы жекпе-жегі неге өтпей қалды?

28 ақпанда Астанада өтеді деп жоспарланған жекпе-жекке Данияр Елеусінов шықпай қалды. Боксшының командасы белгісіз себептермен жекпе-жектің болмайтынын айқасқа бір күн қалғанда ғана мәлімдеді. Кейін боксшы кешірім сұраған болатын. 

Енді Данияр жаңа лигада өзінің алғашқы жекпе-жегін өткізбек. UFC басшысы Дана Уайт ұйымдастырып отырған промоушеннің алғашқы турнирі 2026 жылы өтеді.