Алтын медаль иеленген спортшыларға 100 мың доллар қарастырылған.
Сербияның Ниш қаласында өткен әйелдер арасындағы әлем чемпионатында қазақстандық боксшылар керемет нәтиже көрсетіп, ел қоржынына бірнеше медаль салды. Халықаралық бокс қауымдастығы (IBA) жеңімпаздар мен жүлдегерлерге қомақты сыйақы тағайындады:
Назым Қызайбай – 100 мың АҚШ доллары
Алуа Балқыбекова – 100 мың АҚШ доллары
Аида Әбікеева – 100 мың АҚШ доллары
Виктория Графеева – 50 мың АҚШ доллары
Елдана Тәліпова – 50 мың АҚШ доллары
Наталья Богданова – 25 мың АҚШ доллары
Қазақстан бокс федерациясы да жүлдегерлерге мәрттік танытып отыр. Оларға тағы да дәл осындай көлемде сыйақы бөлді.
ҚБФ тарапынан тағайындалған сыйақылар:
Назым Қызайбай – 100 мың АҚШ доллары
Алуа Балқыбекова – 100 мың АҚШ доллары
Аида Әбікеева – 100 мың АҚШ доллары
Виктория Графеева – 50 мың АҚШ доллары
Елдана Тәліпова – 50 мың АҚШ доллары
Наталья Богданова – 25 мың АҚШ доллары
ҚБФ әлем чемпионатының жүлдегерлерін ғана емес, олардың жеңісіне үлес қосқан бапкерлер мен дәрігерлерді де назардан тыс қалдырмады. Ұйым олардың да еңбегін бағалап, қосымша ақшалай сыйақы қарастырды.
Бұған дейін танымал файтер Қуат Хамитов боксшыларға берілетін сыйақы мөлшерін бір түндік эскорт қызметкерінің табысымен салыстырған еді.
