Олимпиада чемпионы Данияр Елеусінов 28 ақпанда Астанада өтуі тиіс болған жекпе-жегінің неге өтпей қалғанын түсіндірді.
"Бүгінге дейін 28 ақпандағы жекпе-жегім туралы ешқандай түсініктеме берген жоқпын. Себебі қарсыласымның кім болатыны нақты болмады.
Олар бұл кездесуді ұйымдастырғысы келді. Мен де рингке шығуға дайын болдым. Бірақ АҚШ-та болуым қажет болды. Бұл сапар шамамен 20 күнге созылды. Одан кейін ұшақтағы уақыт айырмашылығы, бейімделу процестері әсер етті.
Мен жекпе-жекке шығу туралы ойладым. Бірақ соңында оны кейінге қалдырған жөн деп шештік", – деп жазды Елеусінов өзінің Instagram парақшасында.
Айта кетейік, бұл бокс кешінің басты жекпе-жегі қазақстандық Али Ахмедов пен поляк Мацей Сулецки арасында өтті. Бұл кездесуде WBC Silver белбеуі сарапқа салынды.
Өкінішке қарай, Ахмедов 10-раундта нокаутпен жеңіліп қалды.
