Қазақстан құрамасы алғашқы World Boxing әлем кубогына қатысатын боксшылар тізімін жариялады

Қазақстан ұлттық құрамасы 2025 жылдың 30 наурызынан 6 сәуірге дейін Бразилияда өтетін World Boxing аясындағы әлем кубогының алғашқы кезеңіне келесі боксшыларды ұсынады:

• 50 кг — Нұрзат Оңғаров
• 55 кг — Нұрсұлтан Алтынбек
• 60 кг — Талғат Сырымбетов
• 65 кг — Алмат Әбдуәлі
• 70 кг — Дархан Дүйсебай
• 80 кг — Диас Молжігітов
• 85 кг — Дәулет Төлемісов
• +90 кг — Даниял Сапарбай

Жаңа форматтағы бұл жарыс жалпы үш кезеңнен тұрады:

• Бірінші кезең — 30 наурыз – 6 сәуір аралығында Бразилияда өтеді;
• Екінші кезең — 30 маусым – 7 шілде күндері Қазақстанда ұйымдастырылады;
• Үшінші кезең — 21 – 27 шілде аралығында өтеді. Бірақ оның нақты өтетін орны әзірге белгісіз.

Айта кетейік, Қазақстанның Ұлттық Олимпиадалық комитетінің президенті Геннадий Головкин World Boxing ұйымындағы Олимпиадалық комиссияның төрағасы қызметін атқарады.