Азия чемпионаты: Бүгін әйелдер күресінен бес қазақстандық балуан бозкілемге шығады
28.03.2025, 11:19
Иордания астанасы Амман қаласында өтіп жатқан Азия чемпионаты аясында 28 наурызда әйелдер күресінен Қазақстан құрамасының бес спортшысы жарысқа қатысады.
olympic.kz
Бүгін Қазақстан атынан мына балуандар күреседі:
- Жәмила Бақбергенова (72 кг) — Оңтүстік Кореялық Сехи Кимге қарсы белдеседі.
Бақбергенова — ел құрамасының тәжірибелі мүшесі. Бұған дейін алты рет Азия чемпионатында жүлдегер атанып, 2020, 2022, 2023 жылдары алтын, 2021 жылы күміс, 2019 жылы қола медаль еншілеген.
- Зейнеп Баянова (53 кг) — қарсыласы Сон Ён Парк (Оңтүстік Корея)
- Нилуфар Раимова (57 кг) — қарсыласы Неха Шарма (Үндістан)
- Тыныс Дүбек (62 кг) — қарсыласы Маниша (Үндістан)
- Гауһар Мұқатай (65 кг) — қарсыласы Дю Тон Лай (Вьетнам)
Еске сала кетейік, әйелдер күресінің алғашқы жарыс күнінде қазақстандық балуандар жүлдеге ие бола алмады. Светлана Анкичева (50 кг), Гүлдана Бекеш (59 кг), Ирина Казюлина (68 кг) қола медаль үшін өткен белдесулерде қарсыластарына есе жіберіп, турнирден тыс қалды.