Данияр Елеусінов Дана Уайттың турниріне дайындалып жатыр (ВИДЕО)
Қазақстандық кәсіпқой боксшы Данияр Елеусінов жаңа лига аясындағы жекпе-жекке қызу дайындық үстінде. Ол өзінің Instagram парақшасында жаттығу процесінен бейнежазба жариялады.
Рио Олимпиадасының чемпионы жаттығу залындағы дайындық кадрларымен бөлісті.
"Сөзсіз бокс-терапия", — деп жазды Елеусінов видеоға.
Елеусінов рингке соңғы рет 2024 жылдың қыркүйегінде шыққан. Ол кезде филиппиндік боксшы Джо Нойнаяны бесінші раундта техникалық нокаутпен жеңді.
Жоспар бойынша Данияр 2025 жылдың 28 ақпанында Астанадағы бокс кешінде жұдырықтасуы тиіс еді. Бірақ денсаулығына байланысты жекпе-жек кейінге қалдырылды. Боксшының командасы бұл үзіліс тек уақытша екенін мәлімдеген.
Айта кетейік, Данияр Елеусинов жақында UFC президенті Дана Уайт пен Сауд Арабиясы промоутерлері бірлесіп құрған жаңа бокс лигасымен келісімшартқа отырды. Бұл жоба әлемдік деңгейдегі жұлдыздарды тартуды көздейді және бокс әлемінде үлкен резонанс тудырып отыр.