Қазақ баласы Өзбекстан атынан бокстан әлем кубогында медаль жеңіп алды
02.04.2025, 08:06
Бразилияның Фос-ду-Игуасу қаласында World Boxing ұйымдастырған бокстан әлем кубогында этникалық қазақ Мадияр Данияров Өзбекстан құрамасы сапында жарқырап көзге түсті.
zamin.uz
60 келі салмақ дәрежесінде өнер көрсететін Мадияр турнирдің ширек финалында Италия боксшысы Микеле Бальдассиге қарсы тұрды. Тартысты өткен жекпе-жекте төрешілердің шешімі бойынша жеңіс Данияровқа бұйырды.
Бұл жеңістің арқасында Мадияр Данияров турнирдің жартылай финалына жолдама алып, кем дегенде қола медальды иеленуге кепілдік алды. Ал итальян боксшысы Микеле Бальдасси жарысты жүлдесіз аяқтады.
Айта кетейік, аталмыш жарысқа Қазақстанның ерлер құрамасы да қатысып жатыр. Ел намысын сегіз боксшы қорғап жатыр.