Петропавлда көлігін 5 минуттан артық қыздырған тұрғынға прокуратура араша түсті
Көлігін белгіленген уақыттан артық қыздырғаны үшін айыппұл арқалаған азаматты прокурорлар қорғап алмақ.
СҚО прокуратурасының хабарлауынша, қадағалау органы талдау кезінде Әкімшілік құқық бұзушылық туралы кодекстің талаптарын өрескел бұзу деректерін анықтаған. Мысалы, "Петропавл қаласында полиция басқармасының лауазымды қызметкері облыс орталығының тұрғынына қатысты кодекстің 1-бөлігінің 597-бөлігінде көзделген, көлік құралын 5 минуттан артық қыздыру арқылы көлік құралының тұрақ ережелерін бұзу фактісі бойынша әкімшілік құқықбұзушылықтар туралы хаттама толтырған". Бұл туралы NUR.KZ жазады.
Бірақ полиция қызметкері бұл іске хаттама толтыру кезінде заңбұзушылықтарға жол берген, осылайша құқық бұзушының кінәсіне дәлелдер табылмаған.
"Петропавл қаласы прокурорының наразылығы бойынша полиция органдарының әрекеттері заңсыз деп танылды, іс жүргізу құқық бұзушылық құрамының болмауына байланысты тоқтатылды", - делінген хабарламада.
Еске сала кетейік, ІІМ Әкімшілік полиция комитетінің ерекше тапсырмалар жөніндегі аға инспекторы Ақтоты Боранова көлікті 5 минуттан артық қыздыруға болмайды деген ереженің 20 жылдан бері бар екенін айтқан еді. Осылайша, қозғалтқышы жұмыс істеп тұрған көлік құралы бес минуттан астам бір орында қозғалмай тұрса және бұл тұрғындарға қолайсыздық тудырса, бұл Әкімшілік құқықбұзушылық туралы кодекстің 597-бабының 1-бөлігінде көзделген құқықбұзушылық деп танылады.
Осы орайда сенат кулуарында әділет вице-министрі Ботагөз Жақсылекова қандай жағдайда көлікті 5 минуттан артық қыздырғандарға айыппұл салу туралы заң нормасы қайта қаралатанынын айтып берген еді.