"Қайрат"-"Реал Мадрид" ойынына билеттер сатылу кезеңі басталды

Билеттер 17:00 де сатылымға шығатынына қарамастан, Ticketon сайтында қазірден бастап кезекке тұру басталып кетті.

Он минут бұрын, кезекте 3000 мыңнан астам адам тұрса, қазіргі уақытта бұл сан 5000-нан асты.

Естеріңізге салайық, Ticketon арнайы екі кезеңнен тұратын жүйе енгізді:

Сайтқа кіру кезегі. Көп адам кірсе, алдымен «күту бөлмесіне» түсесіз.

Билетке кезек. «Қайрат – Реал» батырмасын басқан соң нақты билеттерге кезекке тұрасыз.

Чемпиондар лигасы жалпы кезеңінің барлық матчына баға бірдей: 30 000 – 250 000 теңге (УЕФА-мен келісілген) аралығында болады. 

Батыс трибуна:

30 000 ₸ (1–9 сектор, 1–2 қатар)

250 000 ₸ (1–17 сектор, премиум аймақ)

Шығыс трибуна:

150 000 ₸ (30–48 сектор)

Солтүстік/Оңтүстік (қақпа артындағы секторлар):

75 000 ₸ (18–28 және 49–60 секторлар)

Ескерту:

Әр жанкүйер тек 2 билетке дейін сатып ала алады.

Міндетті түрде ЖСН немесе паспорт деректері енгізіледі. Олар стадион кіреберісінде тексеріледі.

Сатып алғаннан кейін сізге ваучер беріледі. Электрондық билет матч басталуына 6 сағат қалғанда жолданады.

«Қайраттың» Чемпиондар лигасындағы қарсыластары

• 19 қыркүйек: «Спортинг» – «Қайрат» (0:00)
• 30 қыркүйек: «Қайрат» – «Реал» (21:45)
• 21 қазан: «Қайрат» – «Пафос» (21:45)
• 6 қараша: «Интер» – «Қайрат» (01:00)
• 26 қараша: «Копенгаген» – «Қайрат» (22:45)
• 9 желтоқсан: «Қайрат» – «Олимпиакос» (20:30)
• 20 қаңтар: «Қайрат» – «Брюгге» (20:30)
• 29 қаңтар: «Арсенал» – «Қайрат» (01:00)

1-тур қорытындысы бойынша қазір алматылық ұжым турнирлік кестенің 34-орнында.