«Қайрат» – «Реал» матчына билеттер сатылымға шыққан сәтте-ақ сайт құлады

Билетке сұраныс рекорд жаңартты

Орталық стадионның сыйымдылығы бар болғаны 23 мың жанкүйерді қамтиды. Алайда сатылым басталған сәтте-ақ 50 мың адам кезекте тұрса, небәрі 5 минут ішінде бұл көрсеткіш 79 468 қолданушыға жетті.

Ал 6 минуттан кейін «Қайраттың» ФК  ресми сайтына жүктеме түсіп, жүйе істемей қалды.

Минут сайын өсіп жатқан кезек

Сұраныс геометриялық прогрессиямен артып келеді. Мысалы сағат 17:07-де электронды кезекте 129 мың жанкүйер тіркелді.

Тарихи ойын 30 қыркүйекте Алматының Орталық стадионында өтеді. Бұған дейін ұйымдастырушылар билет бағасын секторларға қарай жариялаған болатын.