Өзбекстанның тарихи жетістігі: Президент сыйлықтары басқаларға бұйырды
Футболдан Өзбекстан ұлттық құрамасы әлем чемпионатына жолдама алып, бүкіл елдің мақтанышына айналды. Ташкенттегі "Бунёдкор" стадионында өткен ойында олар Азия чемпионы Катарды 3:0 есебімен тас-талқан етті.
Президент сыйлаған көліктер жаңа иелерін тапты
Ойыннан кейін Өзбекстан президентінің сыйлығы ретінде футболшылар мен жаттықтырушыларға BYD маркалы автокөліктер табысталды. Алайда бұл сыйлықтар иелерін ауыстырды: қорғаушы Ислом Тухтахожаев өз көлігін шабуылшы Бобур Абдихоликовқа тарту етті.
Абдихоликов іріктеу кезеңінде төрт матч өткізіп, бір гол соғып, бір пенальти алып берген. Соңғы екі матчқа шақырту алмағандықтан ол сыйлықтан қағылған еді. Ал Тухтахожаев тек соңғы екі ойында алаңға шықса да, әріптесінің сіңірген еңбегін ескеріп көлікті оған ұсынуды жөн көрген.
Катанецтің алғысы – аудармашыға
Ұлттық құраманың бұрынғы бас бапкері Сречко Катанец те сыйлықты өзгеге сыйлады. Денсаулығына байланысты қызметінен кеткен маман соңғы матчқа құрмет ретінде шақыртылған болатын. Ол өз көлігінің кілтін құраманың аудармашы Даврон Ахмедовқа табыстады. Осы уақытқа дейін ойыншылармен және БАҚ-пен қарым-қатынаста көп көмектескен маман.