Дюран "Әл-Насрдан" кетіп жатыр: Бағыты таңғалдырады
Футбол жанкүйерлерінің назары тағы да Түркияға ауды. "Фенербахче" әлемдік футбол жұлдызы, қазір Сауд Арабиясының "Әл-Наср" ойыншысы Джон Дюранды өз қатарына қосуға бір қадам қалды. Бұл жаңалықты Фабрицио Романо секілді сенімді инсайдерлер растауда.
Жозе Моуринью Колумбиядан шыққан шабуылшымен жеке сөйлескені туралы мәліметтер тарады. Бұл келіссөздердің негізгі қозғаушы күші – дәл осы атақты португал бапкері болып отыр. Ол ойыншыны өз жобасының маңызды бөлігі ретінде көретіні айтылған.
Фабрицио Романоның сөзіне сүйенсек:
“Дюран мен “Фенербахче” арасындағы келісімшарттың аяқталуына аз қалды. Жозе Моуринью бұл трансферге тікелей араласып, ойыншымен сөйлесті”.
Дюран – тек коммерциялық жоба емес
Футбол сарапшыларының пікірінше, бұл трансфер маркетингтік мақсатпен ғана емес, нақты спорттық нәтиже үшін де жасалып отыр. Дюранның Еуропа аренасында ойнауға деген ынтасы мен тәжірибесі “Фенербахчеге” чемпиондық үшін күресте зор пайда әкелуі мүмкін.
Жаңа кезең – жаңа үміттер
Жазғы трансфер терезесі енді ғана басталғанымен “Фенербахче” өз амбициясын анық көрсетті. Егер келісім сәтті аяқталса, бұл клуб тарихындағы ең есте қаларлық трансферлердің бірі болмақ.