Бақтиер Зайнутдинов енді АПЛ және А сериясының жұлдызымен бір командада ойнайды (ВИДЕО)
Қазақстан құрамасының жартылай қорғаушысы Бақтиер Зайнутдиновтың клубы "Бешікташ" үлкен трансфер жасады. Енді команда сапында ағылшын және италиялық футбол жанкүйерлеріне жақсы таныс шабуылшы өнер көрсетеді.
Тэмми Абрахам — "Бешікташтың" жаңа жұлдызы
"Рома" шабуылшысы, Англия құрамасының экс-ойыншысы Тэмми Абрахам ресми түрде "Бешікташ" сапына қосылды. Бұл туралы түркиялық клубтың баспасөз қызметі хабарлады. 27 жастағы футболшы Ыстанбұл ұжымына 2025/26 маусымының соңына дейін жалға алынды.
Абрахам кім? Кәсіби жолы және сандары
Тэмми Абрахам — ағылшын футбол мектебінің түлегі. Ол "Челси", "Астон Вилла" және соңғы жылдары "Ромада" доп тепті. Өткен маусымда 45 ойынға қатысып, 10 гол соғып, 7 нәтижелі пас берді.
Transfermarkt порталының мәліметінше, шабуылшының қазіргі нарықтық құны — 15 миллион еуро.
Бақтиер Зайнутдинов пен жаңа маусым
Қазір "Бешікташ" құрамында Қазақстан құрамасының жартылай қорғаушысы Бақтиер Зайнутдинов те ойнайды. Алайда өткен маусымда жарақатына байланысты ойын уақыты шектеулі болды. Зайнутдинов бар болғаны 12 матчқа қатысып, 1 ассистпен шектелді.