«Борнмут» пен Украина құрамасының қорғаушысы Илья Забaрный мансабын Францияда жалғастырады.
Белгілі инсайдер Фабрицио Романо әлеуметтік желі X-те хабарлағандай, "Пари Сен-Жермен” ойыншы үшін 67 миллион еуро төлейді (бонус қоса есептегенде).
Забaрныйдың медициналық тексерісі 13 тамыз, сәрсенбі күні өтеді. Бұл күні «ПСЖ» УЕФА Суперкубогында «Тоттенхэмге» қарсы ойнайды. Тексерістен кейін футболшының ресми таныстырылымы күтіледі.
21 жастағы қорғаушы 2024/25 маусымында барлық жарыста 39 ойын өткізіп, бір нәтижелі пас берген. Ол «Борнмут» қорғанысының негізгі ойыншыларының бірі болды.
Қазіргі келісімі 2029 жылға дейін жарамды болғанына қарамастан, париждік клуб ойыншыны жоғары сомаға сатып алды. Transfermarkt дерегінше, оның нарықтық бағасы — 42 млн еуро, алайда «ПСЖ» оның әлеуетіне сеніп, едәуір қымбат баға ұсынды.
Илья Забaрный — киевтік «Динамо» футбол академиясының түлегі. 2023 жылы Англияға ауысып, аз уақыт ішінде Премьер-лига деңгейінде өзін дәлелдеді.