"Реал Мадридтің" бас бапкері Хаби Алонсо командада тәртіпті күшейтіп, алғаш рет ойыншыға айыппұл салды. Бұл шешім ойыншының оқу-жаттығу базасына кешігіп келуіне байланысты қабылданды.
Испаниялық Defensa Central басылымының мәліметінше, жаңа ережеге сай “Реалдың” барлық футболшылары таңғы 09:30-ға дейін базаға келуі тиіс. Алайда бүгін жартылай қорғаушы Дани Себальос 8 минутқа кешігіп, бұл сәт клубтың бейнекамераларына түсіп қалған.
Дани Себальостың “Реалдағы” жағдайы онсыз да оңай емес. Оның келісімшарты 2027 жылға дейін жарамды, ал бұрынғы клубы “Бетис” оны қайтаруға мүдделі. Дегенмен андалусиялықтар мадридтіктердің талап етіп отырған 10-15 млн еуро көлеміндегі трансфер ақысын төлеуге дайын емес.
Қазір “Реалдың” орталық сызығында бәсекелестік жоғары емес, әрі лайықты ұсыныстар болмағандықтан Себальос маусымды клубта өткізуі ықтимал. Хаби Алонсо оны ерекше ойын мәнері бар, командаға айтарлықтай үлес қоса алатын санаулы футболшылардың бірі деп санайды.
