Микель Артета: Эзенің амбициясы мен менталитеті – «Арсеналдың» болашағына сай
Клуб «Кристал Пэластың» көшбасшысы Эберечи Эзені ресми түрде таныстырды. Бірақ бұл келісімнен де маңыздысы – бас бапкер Микель Артетаның жаңа ойыншыға берген бағасы.
Артета жобасының бір бөлігі болу – Эзенің басты таңдауы
Эзе ұзақ уақыт бойы «Тоттенхэмге» жақын болды, бірақ соңғы сәтте шешімін өзгертіп, Артета командасын таңдады. Бұл шешімнің артында тек футболдық амбициялар ғана емес, испандық маманның сенім артқан жобасы тұр.
Артета: «Эберечидің жолы біз үшін үлгі»
Микель Артета жаңа ойыншыға қатысты ресми пікірін білдіріп, оның қасиеттерін ерекше атап өтті:
«Біз Эберечиді қарсы алғанымызға қуаныштымыз. Ол – қуатты, ерекше ойын өрнегіне ие футболшы. Бірақ оны өзгеше ететіні тек талант емес. Ол – табандылығы мен еңбекқорлығы арқылы жетістікке жеткен ойыншы.
Оның жолы, менталитеті мен амбициясы – дәл біз «Арсеналда» көргіміз келетін сипат. Біз үшін оның және отбасының клубқа қосылуының қаншалықты маңызды екенін білу үлкен рөл атқарады. Біз Эберечимен жұмысты бастауға асығып отырмыз», – деді Артета
«Арсеналдағы» жаңа бастау
«Канонирлер» Эберечи Эземен ұзақ мерзімді келісімшартқа қол қойды. Жартылай қорғаушы өзіне тарихи мәнге ие нөмірді таңдады – 10-шы жейде, оны кезінде Месут Озил, Джек Уилшир, Робин ван Перси және Деннис Бергкамп сынды аңыздар киген.
Жаңа ойыншыны клуб жанкүйерлерге Премьер-лиганың 2-турындағы «Лидспен» матч қарсаңындатаныстырды. «Эмирейтс» стадионында Эзені жанкүйерлер жылы қабылдап, оған зор қолдау көрсетті.
Артета философиясы мен Эзенің рөлі
Артета соңғы жылдары «Арсеналды» қайта құру жолында табандылық танытып келеді. Оның командасы Премьер-лигада «Манчестер Ситимен» бәсекелесіп, чемпиондыққа бір қадам жақындады.
Эзе Артета философиясына сай ойыншы: шығармашылық пен жылдамдықты ұштастырады, шешуші сәттерде дұрыс шешім қабылдай алады, командалық рух пен еңбекқорлықты жоғары қояды.