"Пари Сен-Жермен" қақпашысы Джанлуиджи Доннарумма жеке келісім-шарт бойынша "Манчестер Ситимен" алдын ала келісімге келді.
Атақты инсайдер Фабрицио Романоның ақпаратына сәйкес, қазір екі клуб келісімнің негізгі шарттарын талқылауда. Бастапқыда "ПСЖ" сұрағаннан төмен баға ұсынылды: трансфер құны €50 миллионнан аз болуы мүмкін.
Доннарумманың "Манчестер Ситиге" ауысуы бразилиялық қақпашы Эдерсонның болашағына тәуелді. Қақпашыға "Галатасарай" қызығушылық білдіріп отыр. Егер Эдерсон команданы тастап кетсе, италиялық голкипер ресми түрде "Ситиге" қосылмақ.
Өткен маусымда Доннарумма барлық турнирлерде 47 рет алаңға шықты. 17 ойында қақпасына гол өткізбеді.
