"Ақтөбе" сапынан бірнеше легионер кетуі мүмкін
«Ақтөбенің» негізгі легионерлері Уче Агбо, Жан Жайро мен Думбия маусым соңында команданы тастап кетуі мүмкін. Бұл туралы қазақстандық журналист Елдар Аманбаев мәлімдеді.
«Ақтөбеде» іріткі: Агбо, Жайро мен Думбия кетуге дайын
«Aibek Qabylsha» YouTube-арнасында қазақстандық журналист Елдар Аманбаев «Ақтөбе» ойыншыларының жағдайы туралы ақпаратпен бөлісті.
«Мен еш жерде жарияланбаған ақпаратты айтайын: Уче Агбо, Жан Жайро, Думбия — барлығы легионерлер «Ақтөбеден» кетуі мүмкін, ал мына үшеуі анық қалмайды. Өздерің білесіңдер, қазір олар үшін бастысы — соңғы ойындарда жарақат алмау. Жан Жайро „Оқжетпеспен“ болған ойында, 3:1 есебімен жеңген кезде, өте жақсы ойын көрсетті. Бұған дейін Уче Агбо жайлы ол — ҚПЛ-дың ең мықты тірек жартылай қорғаушыларының бірі деген пікір болған. Қазіргі таңда бұл ойыншылар ұжымнан бөлініп, іштей іріткі салуда», — деді Аманбаев.
Айта кетейік, биылғы ҚПЛ маусымындағы 23 ойыннан кейін «Ақтөбенің» қоржынында 39 ұпай бар және турнир кестесінде төртінші орында тұр.