«Алтын доптың» иегері Өзбекстан құрамасын басқармайтын болды
Оның негізгі мақсаты - клубтық деңгейге оралу.
2006 жылғы «Алтын доп» иегері, әйгілі италиялық футболшы әрі бапкер Фабио Каннаваро Қазақстан және Өзбекстан ұлттық құрамаларын жаттықтыру туралы ұсыныстан бас тартты.
52 жастағы маман Италияға оралуды басты мақсат етіп отыр. Ол жуырда Серия А клубтарының бірінде бос орын пайда болады деп үміттеніп, бапкерлік қызметін туған елінде жалғастыруды жөн санайды.
Бұған дейін БАҚ-та Каннаваро мен Орталық Азия елдерінің футбол федерациялары арасында келіссөздер жүріп жатқаны туралы хабарланған. Дегенмен маманның өзі Италияда клубтық футболға қайта оралуды басым бағыт деп есептейді.
Футболшы ретінде: «Парма», «Интер», «Ювентус», мадридтік «Реал» сапында ойнап, 2006 жылы әлем чемпионы атанды және сол жылы «Алтын допқа» ие болды.
Бапкер ретінде: Қытайда («Гуанчжоу Эвергранд», «Тяньцзинь Цюаньцзянь»), Таяу Шығыста және Еуропада («Беневенто», «Удинезе», «Динамо» Загреб) жұмыс істеді.