Қуат Хамитов: Осы ма сендердің жетістіктерің?!

Отандық футболды жиі сынға алатын «Найман» лақап атты Қуат Хамитов Instagram желісінде әуесқой құраманы жеңгеніне жанкүйерлер қатты қуанып жатқаны туралы айтты:

“Әуесқой командаға гол соғып, қуанып, мені белгілеп жатырсыңдар. Мен жалғыз өзім-ақ бұл командаға қарсы шығып, бәрін жеңе аламын! Осы ма сендердің жетістіктерің?!,” – деді Қуат Хамитов.

Естеріңізге салсақ, Футболдан 2026 жылғы әлем чемпионатының іріктеу кезеңі аясында Қазақстан құрамасы өз алаңында Лихтенштейнмен кездесіп, жанкүйерлерін тамаша ойынмен қуантты. Қорытынды есеп 4:0, Қазақстан сапында Ғалымжан Кенжебек дубль авторы атанса, тағы екі голды Бақтиер Зайнутдинов және Әлібек Қасым салды.