Жуырда Абай облысының әкімі Берік Уәли Семейде салынатын жаңа футбол стадионының құрылысы туралы айтты.
Абай облысының әкімі Берік Уәли Семейде салынатын жаңа футбол стадионына қанша қаржы бөлінетінін жариялады. Оның айтуынша, жобаға 15 миллиард теңге бөлінеді. Tengrinews.kz тілшісіне берген сұхбатында жаңа спорт нысанының құрылысы жөнінде егжей-тегжейлі ақпарат берді.
«Стадионның капсуласы әлі салынған жоқ. Учаске қоршалды, ал құрылысқа KAZ Minerals компаниясы 15 миллиард теңге бөлді. Алдымен жобалық-сметалық құжаттама әзірленіп, содан кейін құрылыс жұмыстары басталады», — деді облыс басшысы.
Әкім нақты мерзімдерді атамағанымен, бұған дейін нысанды 2026 жылдың ақпанына дейін аяқтау жоспарланғаны хабарланған болатын.
Бастапқыда жаңа арена ескі «Пищевик» стадионының орнына салынады деп жоспарланған. Алайда кейін жобаның орны өзгеріп, стадион Семейдің жаңа шағын ауданында бой көтеретіні белгілі болды. Бұл туралы Абай облысы әкімінің орынбасары Серік Түленбергенов әлеуметтік желідегі парақшасында мәлімдеді.
Жаңа стадион 20–22 мың көрерменге арналған заманауи спорт кешені болмақ. Ол ФИФА мен УЕФА стандарттарына сай, халықаралық деңгейдегі матчтар өткізуге мүмкіндік береді.
Жоба аясында футбол алаңы, жеңіл атлетикалық жолақ, медиаорталық, VIP ложалар және спортшыларға арналған жаттығу базасы салынады.