Футболдан Өзбекстанның 17 жасқа дейінгі құрамасы Катарда өтіп жатқан әлем чемпионатында Панаманы 6:1 есебімен ойсырата ұтып, плей-офф кезеңіне шықты.
Өзбекстан мен Панама арасындағы ойынның алғашқы жартысында есеп ашылмағанымен екінші тайм толық өзбектердің бақылауында өтті.
48-минутта Абубакир Шукуруллаев есеп ашса, кейін Садриддин Хасанов нәтижені еселеді. 68-минутта Сайфиддин Содиков үшінші голды соқты.
Ойынның қосылған уақытында өзбектер тағы үш рет көзге түсті. Таблоға өз есімін Джамшидбек Рустамов, Асилбек Алиев және Абдусамад Саидов пенальтиді сәтті орындап тіркеді.
Панама сапынан Джозеф Пачеко (90+10) бір ғана голмен жауап берді.
Бұл жеңіс Өзбекстан құрамасына 6 ұпаймен J тобында екінші орын алуға мүмкіндік берді.
Топ жеңімпазы — Ирландия (7 ұпай), үшінші орында — Парагвай (4 ұпай), ал Панама бірде-бір ұпай жинай алмай, турнирден тыс қалды.
Осылайша Өзбекстан жастар құрамасы тікелей плей-офф кезеңіне жолдама алды.
Чемпионат Катарда өтіп жатыр. Биылғы додаға 48 елдің құрамасы қатысуда. Командалар 12 топқа бөлінген, әр топтан екі үздік команда мен сегіз үшінші орын иегері келесі кезеңге жолдама алады.
