Жазғы трансферлік терезеде ғана клуб рекорд орнатқан еді.
Ағылшынның әйгілі «Ливерпуль» клубы тағы да трансфер нарығын дүр сілкіндірмек. Клуб басшылығы «Баварияның» жартылай қорғаушысы Майкл Олисеге 200 миллион еуро төлеуге дайын. Бұл туралы Fichajes хабарлайды.
Арне Слот жаттықтыратын «Ливерпуль» командасы 23 жастағы Майкл Олисені құрамына қосуды көздеп отыр. Бұл келісім жүзеге асса, АПЛ тарихындағы ең қымбат трансфер болмақ.
Әлемдік футболда ең қымбат келісім — Неймардың 222 млн еуроға «ПСЖ»-ға ауысуы.
Франциялық футболшы Майкл Олисе қазіргі таңда «Баварияның» негізгі ойыншыларының бірі. Ол 2025/26 маусымында 16 матч өткізіп, 7 гол және 7 нәтижелі пас тіркеді.
Олисе «Кристал Пэлас» сапынан «Баварияға» ауысқаннан бері өзін жылдам ойлайтын, техникасы жоғары және креативті плеймейкер ретінде көрсетті. Енді оның есімі әлемдік футболдың ең ірі трансферлер тізімінде аталауы мүмкін.