Ақтауда сыйымдылығы 10 орын болатын жаңа стадион бой көтереді.
Маңғыстау облысының әкімі Нұрдәулет Қилыбайға Ақтау қаласында 10 мың көрерменге арналған заманауи футбол стадионының жобасы таныстырылды.
Жаңа стадион құрылысы өңірдің спорт инфрақұрылымын жаңғыртуға және бұқаралық спортты қолдауға бағытталған. Жоба халықаралық стандарттарға сәйкес келетін көпфункционалды спорт кешенін салуды көздейді.
Таныстырылым барысында нысанның УЕФА талаптарына сәйкестігі және заманауи цифрлық технологияларды енгізу мәселелері қаралды.
Жобаға сәйкес, стадион аумағында:
Жаңа нысан балалар мен жасөспірімдерге арналған дайындық бағдарламаларын жүзеге асыруға мүмкіндік береді. Сонымен қатар қала көлеміндегі ірі спорттық және мәдени іс-шараларды өткізуге жағдай жасайды.
Кездесу қорытындысы бойынша тараптар жобаны нақтылау және оны кезең-кезеңімен іске асыру жөнінде келісімге келді.
Айта кетейік, 2025 жылғы маусым қорытындысы бойынша “Каспий” клубы Бірінші лигада мерзімінен бұрын жеңімпаз атанып, Қазақстан Премьер-Лигасына қайта оралды. Жаңа стадион жобасы клубтың жоғары дивизиондағы өнер көрсетуіне қосымша серпін беруі мүмкін.