Қазақстандық футбол клубы миллион теңгеге сатылады

Аукцион шарттары қандай? 

Ресми ақпаратта әлеуетті қатысушыларға мына талаптар көрсетілген:

Кепілдік жарна: 158 100 теңге

Өтінім қабылдаудың соңғы уақыты: 3 наурыз, 09:55

Сауданың басталуы: 3 наурыз, 10:00

Жаңа иесіне қойылатын негізгі міндеттер

Лоттың “Tender conditions” бөлімінде сатып алушыға кемінде 10 жылға арналған бірқатар талап бекітілген. Атап айтқанда, жаңа иесі:

• клубтың профилін (футбол клубы ретінде бағытын) сақтауы;
• штат санын қысқартпай ұстауы;
• команда дамуына инвестиция құюы;
• жасөспірімдер футбол академиясын ашуы және футболды жүйелі дамытуы;
• әйелдер футбол командасын дайындауы;
• жаттығу базасының болуын қамтамасыз етуі, соның ішінде стадиондарды пайдалану бойынша келісімшарттар жасауы;

2027 жылдан бастап Қазақстан Премьер-Лигасына тұрақты түрде қатысуы тиіс.

Сонымен қатар шартта клубты сенімгерлік басқаруға беруге немесе үшінші тұлғаларға иеліктен шығаруға тыйым салынатыны да нақты жазылған.

Қосымша талаптар

Құжаттар тізімінде қатысушыдан футбол/спорт саласында кемінде 5 жылдық тәжірибені растайтын материалдар сұралады. Сондай-ақ, клубты дамытуға арналған есепшотта кемінде 200 млн теңге барын растайтын банк анықтамасы немесе банк кепілдігі талап етіледі.