"Тобыл" Белградта күйреді
Қостанайлық "Тобыл" ФК УЕФА Конференциялар лигасының 2026/2027 жылғы маусымындағы үшінші іріктеу кезеңінің алғашқы матчында "Партизанмен" кездесті.
Белградтағы матч қалай өтті?
Матчтың алғашқы минуттарынан алаң иелері допқа көбірек иелік етіп, шабуылда белсенді әрекет етті. Қостанайлықтар қарсыластың қысымына жылдам қарымта шабуылдар арқылы жауап беруге тырысты.
Бірінші таймның соңына дейін сербиялық клуб есеп ашты. Бұрыштама добынан кейін Демба Сек айып алаңының шебінен дәл соққы жасады.
Үзілістен кейін екі команда да ашық футбол көрсетуге көшті. Бірақ қауіпті мүмкіндіктерді тиімді пайдаланған алаң иелері болды.
Зубайру Ибрахим "Партизанның" екінші голын соғып, командасының басымдығын ұлғайтты. Матчтың қорытынды нүктесін Шака Траоре қойды.
Осылайша Белградтағы ойын 3:0 есебімен сербиялық клубтың пайдасына шешілді.
Қарымта матч қашан өтеді?
"Тобыл" мен "Партизан" арасындағы қарымта кездесу 13 тамыз күні Қостанайда өтеді.
Қазақстандық команда келесі кезеңге шығу үшін өз алаңында үш голдық айырманы қысқартуы қажет.