Моуринью үш жартылай қорғаушының сатылымына қатысты шешім қабылдады
Жуырда мадридтік "Реал" командадағы үш маңызды жартылай қорғаушы — Орельен Тчуамени, Эдуардо Камавинга және Федерико Вальверденің болашағына қатысты ұстанымын анықтады.
Жаңа маусым алдындағы трансферлік кезеңде "Реалдың" бірнеше ойыншысына қызығушылық артқан. Әсіресе мадридтік клубтың жартылай қорғанысындағы Тчуамени, Камавинга және Вальверде басқа командалардың назарында жүр.
Marca басылымының мәліметінше, басқа клубтар тарапынан ең көп қызығушылық Орельен Тчуамениге болған.
Франциялық жартылай қорғаушыға Англия командалары белсенді түрде назар аударған. Алайда "Реал" оның трансфері бойынша келіссөз бастамауды жөн көрген.
"Реалдың" бас бапкері Жозе Моуринью 26 жастағы хавбекті команда үшін маңызды ойыншы деп санайды.
Сондықтан мадридтік клуб Тчуамениді сатуды жоспарлап отырған жоқ. Transfermarkt бағалауы бойынша, француз футболшысының нарықтық құны 70 миллион еуроны құрайды.
Камавинга да "Реалда" қалады
Эдуардо Камавинга да жазғы трансферлік кезеңде басқа клубтармен байланыстырылған еді. Дегенмен "Реал" 23 жастағы футболшымен қоштасу нұсқасын қарастырмайды. Клуб оны құрамда сақтап қалуға ниетті.
Transfermarkt порталы Камавинганың нарықтық бағасын 50 миллион еуро деп көрсетіп отыр.
Вальверденің кетуі толық жоққа шығарылды
Мадридтік клубқа Федерико Вальвердеге қатысты да сұраныстар түскен. Алайда уругвайлық футболшының трансфері мүлде қарастырылмайды. "Реал" өз капитаны бойынша ұсыныстарды талқылауды жоспарлап отырған жоқ.
Федерико Вальверденің өзі де Мадридтен кетуге ниетті емес.