Джефф Безос "Ливерпульге" көз тікті

Ағылшын футболындағы ең ірі клубтардың бірі "Ливерпуль" төңірегінде маңызды инвестициялық келісім талқыланып жатыр. Атап айтқанда, Джефф Безос клубтың бір бөлігін сатып алуға мүдделі топ құрамында болады.

Sky Sports хабарлауынша, "Ливерпульдің" үлесін сатып алуға ниетті консорциумды Амит Бхатия басқарады. Ол бұған дейін "Куинз Парк Рейнджерс" клубының ортақ иелерінің бірі болған. Сонымен қатар Бхатия — үнді миллиардері Лакшми Митталдың күйеу баласы.

Джефф Безоспен қатар инвесторлар тобына Facebook негізін қалаушылардың бірі Эдуардо Саверин де қосылады деп күтілуде. Келісім туралы ресми хабарлама алдағы күндері жариялануы мүмкін екені айтылып отыр.

"Ливерпуль" 6 миллиард долларға бағалануы мүмкін

Егер мәміле жүзеге асса, "Ливерпульдің" жалпы құны шамамен 6 миллиард долларға жетуі мүмкін.

Қазіргі клуб иесі Fenway Sports Group "Ливерпульді" 2010 жылы 300 миллион фунт стерлингке сатып алған еді. Осы уақыт ішінде ағылшын клубының нарықтық құны бірнеше есе өскен.

Өткен маусым "Ливерпуль" үшін сәтсіз өтті

Өткен маусымда "Ливерпуль" бірде-бір трофей жеңе алмады.

Команда Англия Премьер-лигасында бесінші орын алды және Чемпиондар лигасының ширек финалында жарыстан шықты.

Айта кетейік, маусымаралық кезеңде "Ливерпуль" тізгінін Андони Ираола ұстады.