"Қайрат" УЕФА Жастар лигасында 8:1 есебімен жеңіп, келесі кезеңге өтті
Алматылық "Қайрат" U-19 УЕФА Жастар лигасында черногориялық "Младость Донья-Горица" командасын екі матч қорытындысы бойынша тізе бүкітірді.
Алматыдағы матчта кімдер гол соқты?
УЕФА Жастар лигасының 2026/27 маусымындағы ел чемпиондары жолының бірінші раунды "Қайрат" үшін сәтті аяқталды. Алматыда өткен қарымта ойында алаң иелері қарсылас қақпасына сегіз гол соқты.
"Қайрат" сапында мына футболшылар мергендігімен көзге түсті:
- Төре Ысмағұлов – 5-минутта;
- Дәулет Орынбасар – 28-минутта, пенальтиден;
- Артур Трубин – 37 және 42-минуттарда;
- Данияр Ташпулатов – 76-минутта;
- Абылай Төлеухан – 79-минутта;
- Нұржан Еркін – 88-минутта, пенальтиден;
- Абылай Жылқайдар – 90+1-минутта.
Қонақтардың жалғыз голын 70-минутта Петар Пантич соқты. Ал Артур Трубин дубль авторы атанды.
"Қайраттың" келесі қарсыласы – МТК
Командалардың алғашқы кездесуі 15 қыркүйекте Подгорицадағы DG Arena стадионында өтіп, "Қайрат" 5:0 есебімен жеңіске жеткен.
Осылайша алматылықтар екі матчтың жалпы нәтижесінде 13:1 есебімен басым түсіп, екінші раундқа шықты. Келесі кезеңде "Қайрат" Венгрияның МТК клубымен кездеседі.