8 гол соғылған сұмдық матч: "Барса" барын салды, "Атлетико" аянбады (ВИДЕО)
Енді Испания кубогы жартылай финалының жеңімпазы Мадридте анықталады.
Испания кубогының жартылай финалындағы алғашқы матчта каталониялық «Барселона» мен мадридтік «Атлетико» жанкүйерлерге футбол спектаклін сыйлады.
Матч қалай өтті?
Ойын «Атлетиконың» шабуылымен басталды: 1-минутта Альварес есеп ашса, араға 5 минут салып, Гризманн есепті еселеді. Алайда, Ханси Фликтің шәкірттері бұған тез жауап берді – Педри мен Кубарси 21-минутқа дейін есепті теңестірді. Ал тайм аяқталарда, Иньиго Мартинес «Барселонаны» алға шығарды – 3:2.
Екінші таймда Роберт Левандовски бір гол салып, басымдықты арттыра түсті. Десе де, «Атлетико» ерік-жігер танытып, Льоренте мен Сорлоттың арқасында есепті теңестіре білді – 4:4.
Қарымта матч қашан өтеді?
Жартылай финалдың қарымта ойыны 3 сәуірде Мадридтегі «Метрополитано» стадионында өтеді.