Бейжіңде өткен құрлықтық біріншілікте Қазақстан құрамасы Азияның үздік командасы атағын қайта қорғады. Шешуші ойында біздің жігіттер Жапонияны 4:3 есебімен ұтты.
Қазақстан құрамасы сапында Роман Старченко дубль жасаса, Кирилл Ляпунов пен Александр Борисевич бір шайбадан ерекшеленді.
Біздің құрамаға чемпионатта бірінші орынды сақтап қалу үшін негізгі уақытта жеңілмеу жеткілікті еді. Алайда Қазақстан хоккейшілері шешуші кездесуінде де жеңісті қолдан шығармай, матчты өз пайдасына бұрды.
Бұл жеңіс Қазақстан құрамасының құрлықтағы мықтылығын тағы бір рет дәлелдеді. Қазақстан жоғары деңгейдегі ойын көрсетіп, Азия чемпионатын қатарынан екінші рет жеңді. Ұлттық құрама екі дүркін Азия чемпионы атанды.