"Барыс" ҚХЛ-дегі сәтсіз сериясын тоқтатты

Елордалықтар 4:1 есебімен сенімді жеңіске жетті. Бірінші кезеңде есеп ашылған жоқ. Ал екінші жиырма минуттықта “Барыс” бірден қарқынын күшейтіп, Кирилл Савицкий мен Дінмұхамед Қайыржанның шайбалары арқылы алға шықты.

Үшінші периодта қонақтар басымдықты одан әрі арттырды. Эмиль Ғалымов пен Майк Веккьоне мергендік танытса, “Адмиралдың” жалғыз жауабын Либор Сулаж соқты.

• 02:14 — 0:1 Кирилл Савицкий (ассист: Данияр Самат, Ансар Шайхмедденов)
• 07:10 — 0:2 Дінмұхамед Қайыржан (ассист: Макс Уиллман, Рейли Уолш)
• 01:48 — 0:3 Эмиль Ғалымов (ассист: Майк Веккьоне, Всеволод Логвин)
• 12:02 — 0:4 Майк Веккьоне
• 15:29 — 1:4 Либор Сулаж

Келесі матчта “Барыс” 12 ақпанда өз алаңында Санкт-Петербургтің СКА клубын қабылдайды.