"Барыс" қақпашысы ҚХЛ-де тарихи жетістікке жетті

Астаналық "Барыс" клубының қақпашысы Никита Бояркин Құрлықтық хоккей лигасында алғаш рет аптаның үздік қақпашысы атанды. Бұл жетістік лиганың ресми статистикасы мен сараптамалық бағалауы негізінде анықталды. 

Бояркин алғаш рет аптаның үздік қақпашысы атанды

ҚХЛ-дің 2025/2026 маусымының 26-аптасының қорытындысы бойынша Никита Бояркин екі матчта да жеңіске жетіп, жоғары нәтижелер көрсетті.

Апта ішінде қақпашының көрсеткіштері:

• 2 матч — 2 жеңіс
• Сенімділік коэффициенті — 0,5
• Қарсыластар 66 рет соққы жасаған
• Оның 98,48 пайызын тойтарды

Сонымен қатар "Амурға" қарсы матчта (3:0) Бояркин өз қақпасына бірден-бір гол өткізбеді.

ҚХЛ-дегі басқа үздіктер

ҚХЛ сарапшылары апта қорытындысы бойынша басқа номинациялар бойынша да жеңімпаздарды анықтады:

Үздік қорғаушы — Даниил Пыленков ("Динамо" Мәскеу)

•    3 матчта 6 ұпай (1 гол + 5 пас)
•    Пайдалы әрекет көрсеткіші — "+1"

Үздік шабуылшы — Максим Шалунов ("Локомотив")

•    4 матчта 6 ұпай (5 гол + 1 пас)

Үздік жас ойыншы — Александр Жаровский ("Салават Юлаев")

•    3 матчта 2 ұпай (1+1)

Апта статистикасы

Өткен аптада ҚХЛ-де 28 матч өткізілді. Оларға 521 хоккейші қатысты:

• 37 қақпашы
• 171 қорғаушы
• 313 шабуылшы

Бір ойынға шаққандағы орташа нәтижелілік 4,57 шайбаны құрады.