Қазақстан футзалшылары Еуропа чемпиондарымен кездеседі
03.07.2025, 15:53
Футзалдан 2026 жылғы Еуропа чемпионатына іріктеу плей-офф кезеңінің жеребесі тартылып, Қазақстан ұлттық құрамасының қарсыласы анықталды.
instagram/@kff_team_futsal
Қарсылас – Еуропаның қос дүркін чемпионы
Плей-офф кезеңінде Қазақстан құрамасы Италиямен кездеседі. Айта кетейік, италиялықтар екі мәрте Еуропа чемпионы атанған (2003, 2014) тәжірибелі команда. Қос матч 15 және 24 қыркүйекте өтеді.
Қазақстанның іріктеудегі нәтижесі
Қазақстан өз тобында екінші орын иеленіп, плей-оффқа жолдама алған болатын:
- 10 ұпай жинады
- Армения – 1-орын (16 ұпай)
Матч нәтижелері:
- Албания – 2:0, 4:2 (жеңіс)
- Дания – 7:3 (жеңіс), 2:3 (жеңіліс)
- Армения – 4:4 (тең), 2:4 (жеңіліс)
Еуро-2026 қайда өтеді?
Футзалдан Еуропа чемпионаты келесі жылдың басында Латвия, Литва және Словенияда өтеді. Турнирге үздік 16 құрама жолдама алады. Қазақстан құрамасы Еуроға қатысу үшін плей-оффты сәтті еңсеруі қажет.