Ішімдікке тойып алған жігіт марафон жүгіріп, чемпиондарды шаң қаптырды! (ВИДЕО)
Таңқаларлығы сол, ол 8 шақырым қашықтықты тәпішкемен жүгіріп өткен.
Бразилияда ерекше жағдай орын алды. 32 жастағы Исак Альмейда жергілікті барлардың бірінен ішімдік ішіп шыққанына қарамастан, тәпішкемен марафонға қатысып кетеді. Бір қызығы, ол кәсіби спортшылармен бірге 8 шақырымдық қашықтықты еңсеріп, жарысқа арнайы дайындалған бірнеше жүгірушіні басып озып кеткен.
Тосын жетістік пен марапат
Жарыс соңында ұйымдастырушылар оған медаль табыстап, жетістігін атап өтті. Дегенмен марапаттау сәтінде Альмейда масаң күйде болғандықтан, екі ауыз сөзді байланыстыра алмай, өз ойын жеткізе алмады.
Желіде қызу талқыланды
Оқиға видеосы әлеуметтік желілерде тез таралып, қолданушылардың қызықты пікірлеріне себеп болды. Көпшілік оны «нағыз халық чемпионы» деп атап, ерекше әрекетіне күлкі мен таңданысын білдірді.