Ресейдің Алтай өңірінде қанды оқиға болды. Алтай ММА федерациясының президенті әрі "АК-КЕМ" жекпе-жек клубының негізін қалаушы Алексей Калбуков той кезінде пышақ жарақатынан жан тапсырды.
Оқиға 7 тамыз күні Тюнгур ауылында өткен үйлену тойында болған. Дастархан үстінде Калбуковпен сөзге келген 74 жастағы ер адам оған жақындап, кеудесіне пышақ сұққан.
Жарақаттан көп қан жоғалтқан спорт функционері оқиға орнында жан тапсырған. Марқұм — өңірдегі жекпе-жек спортын дамытуға елеулі үлес қосқан беделді жаттықтырушы және ұйымдастырушы болған.
Күдікті оқиға орнында ұсталып, оған қатысты кісі өлтіру бабы бойынша қылмыстық іс қозғалды. Тергеу амалдары жүргізілуде.
