Абдукодир Хусановтың отбасында қайғылы жағдай болды
Өзбекстан құрамасының қорғаушысы Абдукодир Хусановтың атасы өмірден өтті.
“Бунёдкор” көңіл айтты
Қайғылы жағдай туралы “Бунёдкор” клубының баспасөз қызметі хабарлады. Марқұм Хусан Хошимов – клубтың U-19 командасының бас бапкері Хикмат Хошимовтың әкесі әрі Абдукодир Хусановтың атасы.
Клуб өкілдері марқұмның отбасы мен жақындарына көңіл айтты.
“Хикмат Хошимовтың әкесінің дүниеден өтуіне байланысты оның туған-туыстары мен жақындарына шын жүректен көңіл айтамыз. Марқұмның жатқан жері жайлы болсын”, – делінген клуб хабарламасында.
Абдукодир атасының фамилиясын алып жүр
Абдукодирдің тегі де атасы Хусанның есімімен байланысты. Футболшының әкесі Хикмат Хошимов кәсіби мансабын 1990-жылдардың ортасында Ташкенттің МХСК клубында бастаған. Кейін “Согдиана”, “Локомотив”, “Әндіжан” және Өзбекстанның өзге де командаларында өнер көрсетті.
22 жастағы Абдукодир Хусанов қазір “Манчестер Сити” клубында 45-нөмірмен ойнайды. Ол Англия Премьер-лигасында өнер көрсеткен алғашқы өзбекстандық футболшы атанды. Қорғаушы “қалалықтар” сапына 2025 жылдың қаңтарында қосылып, кейін негізгі құрамнан орын алды.