Геннадий Головкин Өзбекстан президентінің күйеу баласымен жолықты
Головкин мен Умаровтың сөйлесіп тұрған сәтті өзбекстандық журналист Шахзод Шукуров әлеуметтік желідегі парақшада жариялады.
Қазақстан Ұлттық Олимпиада комитеті мен World Boxing ұйымының басшысы Геннадий Головкин Өзбекстан ҰОК төрағасының бірінші орынбасары Отабек Умаровпен кездесті.
Өзбекстандық журналист Шахзод Шукуров Instagram парақшасында Головкин мен Умаровтың Жапонияда өткен 2026 жылғы Азия ойындарының кулуарында сөйлесіп тұрған видеосын жариялады.
"Отабек Умаров және аты аңызға айналған GGG", – деп жазды ол.
Отабек Умаров – Өзбекстан президенті Шавкат Мирзиёевтің күйеу баласы.
Головкин Азия ойындарына келді
Геннадий Головкин Айти мен Нагоядағы XX жазғы Азия ойындарына барған болатын. Ол 21 қыркүйекте бокстан жарыстың бірінші күнін тамашалады.
Құрлықтық дода қорытындысы бойынша Қазақстан құрамасы жалпыкомандалық медаль кестесінде сегізінші орынға тұрақтады.
Қазақстандық спортшылар барлығы 84 медаль иеленді:
- 12 алтын;
- 24 күміс;
- 48 қола.
Ал Өзбекстан құрамасы жарысты бесінші орынмен аяқтап, Орталық Азия елдері арасында ең жоғары нәтиже көрсетті.
Өзбекстан спортшыларының еншісінде 70 медаль:
- 21 алтын;
- 25 күміс;
- 24 қола.