Олимпиаданың бес дүркін чемпионы 10 медалін жоғалтып алды
Бүгін, 11:59
Америкалық жүзгіш Гэри Холлдің үйі Калифорниядағы орман өртінен жанып кетті.
sports24.ru
50 жастағы Гэри Холл алапат өрт үйіне жақындаған кезде Лос-Анджелестегі баспанасынан шұғыл эвакуация жасады. Ол үйден тек итін, атасының суретін және қызы сыйлаған ағаш мүсінді алып үлгерген.
Өкінішке қарай Гэри Холл Олимпиада ойындарында жеңіп алған он медалін алып шыға алмады. Өрт кезінде бес алтын, үш күміс және екі қола медаль жоғалды.
Қазір Калифорнияда төтенше жағдай жарияланған. Орман өрті салдарынан алты адам қаза тауып, мыңнан астам ғимарат жойылды.