Қазақстанның бірінші ракеткасы Елена Рыбакина Эр-Риядта өтіп жатқан WTA-2025 қорытынды турнирінде үшінші жеңісін тіркеді. Ол ресейлік Екатерина Александровадан айқын басым түсті.
Матч небәрі 1 сағат 14 минутқа созылып, қос сетте 6:4, 6:4 есебімен Рыбакинаның жеңісімен аяқталды.
Бұл кездесу қос спортшы арасындағы алтыншы бетпе-бет матч болды. Бұған дейінгі бес ойынның қорытындысы бойынша есеп 3:2 есебімен Александрованың пайдасына болған.
Алайда Рыбакина Эр-Риядтағы матчта өз қарымын толық көрсетті.
Айта кетсек, бұл кездесу турнирлік тұрғыдан шешуші рөл атқарған жоқ. Себебі қазақстандық теннисші бұған дейін-ақ плей-офф кезеңіне бірінші орынмен жолдама алған еді.
WTA Finals – 2025 туралы
Елена Рыбакина осылайша топтық кезеңді жеңіліссіз аяқтап, жартылай финалға сенімді түрде шықты.